Lectores concentrados, lectores despistados, gatos entre libros, libros entre fíos, as librarías máis belas do mundo, as máis humildes, a lectura cálida do fogar ou a fría dunha rúa... En Exipto, en Etiopía, Marrakech, Praga, Azores, Ares, Vigo... todo está en "Retratando libros", a mostra fotográfica que dende o 23 de abril, Día do Libro, pode verse na Biblioteca Central do campus Lagoas-Marcosende da UVigo.
A UVigo vai pór en marcha un repositorio institucional de acceso aberto para difundir e preservar a documentación producida polos seus investigadores e investigadoras. Neste marco, a universidade, a través da Biblioteca Universitaria, lanza unha convocatoria de concurso, aberta a toda a comunidade universitaria, para elixir o nome deste repositorio. O obxecto do concurso é atopar un nome que identifique inequivocamente ao repositorio da UVigo e favoreza a súa visibilidade. O prazo de presentación de propostas comeza o 25 de abril de 2012 e rematará ás 22:00 horas do día 25 de maio de 2012. O/A autor/a da proposta elixida polo xurado recibirá como premio un iPad2 patrocinado por EBSCO Subscription Services España...
Con obxecto de facilitar ao alumnado a preparación das probas de avaliación e exames de maio-xuño, a Biblioteca Universitaria programou aperturas especiais a partir do sábado 5 de maio...
Ao longo destes meses de marzo e abril, a Biblioteca Universitaria vai formular unha nova pregunta aos seus usuarios e usuarias sobre a súa satisfacción cos servizos que presta. Nesta ocasión a pregunta refírese á satisfacción coa páxina web da Biblioteca. Para acceder á nova enquisa pódese facer desde este enlace ou desde o enlace incluído na propia páxina web da Biblioteca....
Dende o 1 de marzo, estará dispoñible na plataforma Bubela a convocatoria da segunda edición do curso "Máis ala de Google. Como buscar e xestionar información para un traballo académico" organizado pola Biblioteca Universitaria. O curso desenvolverase entre o 9 de abril e o 11 de maio desde ano 2012 e, ao igual que na edición anterior, conta co recoñecemento de dous créditos de libre elección e un crédito ECTS.