4 novembro, 2009 | 11:43:00

Pregunta da enquisa PREME de novembro´09: o servizo de préstamo de libros

Continuando co seu proxecto de enquisas dixitais "PREME", a Biblioteca propón neste mes de novembro unha nova pregunta. Neste caso, repítese a pregunta formulada en novembro de 2008 con ocasión do lanzamento do proxecto: parécelle conveniente o servizo de préstamo de libros (nº de obras prestadas, prazos de préstamo, trámites)?

Publicado por GMG | Comentarios (0) | Visitas (1896)

Archivado en calidade , enquisas , préstamo

2 outubro, 2009 | 14:07:00

Inauguración da nova biblioteca de Ciencias Experimentais no campus de Vigo

Esta mañá foi inaugurada oficialmente a nova biblioteca de ciencias experimentais no campus de Lagoas-Marcosende (Vigo) polo Conselleiro de Educación e Ordenación Universitaria, Jesús Vázquez Abad. Acompañaban ao Conselleiro, o Reitor da Universidade de Vigo, a Delegada Territorial da Xunta en Vigo e outras autoridades e personalidades autonómicas, locais e universitarias.

Publicado por GMG | Comentarios (0) | Visitas (2398)

Archivado en UVigo

1 outubro, 2009 | 14:21:00

Pregunta ”PREME” de outubro: a satisfacción co catálogo da Biblioteca

Co inicio do novo curso, a Biblioteca Universitaria retoma o seu programa "PREME" de enquisas mensuais dixitais para coñecer o grao de satisfacción dos seus usuarios e usuarias. Despois do paréntese dos meses de agosto e setembro, a Biblioteca lanza neste mes de outubro unha nova pregunta sobre a opinión dos usuarios co catálogo da Biblioteca.

Publicado por GMG | Comentarios (0) | Visitas (2067)

Archivado en calidade , enquisas , catálogo

23 setembro, 2009 | 11:07:00

O SCimago Research Group publica o ranking 2009 de institucións investigadoras

O SCImago Research Group (SRG) acaba de anunciar a publicación do Informe Mundial 2009 do Ranking de Institucións de SCImago. O informe contén un ranking das institucións investigadoras con maior produción científica de todo o mundo, analizando o seu rendemento investigador sobre a base de 4 indicadores globais de produción (criterio de ordenación da listaxe), colaboración e impacto científico. O informe, en pdf, pode descargarse en http://www.scimagoir.com.

Publicado por GMG | Comentarios (0) | Visitas (2562)

Archivado en investigación , bibliometría

20 xullo, 2009 | 11:41:00

Dispoñible o factor de impacto 2008 do Journal Citation Report

Infórmase á comunidade investigadora que no portal da FECYT de acceso á Web of Knowledge, xa está dispoñible a descarga do factor de impacto das revistas do Journal Citation Report (JCR). O JCR ofrece datos estatísticos que permiten determinar a importancia relativa das revistas dentro das súas disciplinas ou categorías científicas (o factor de impacto da revista) desde o ano 1997 ata a actualidade. Dividido en dous subconxuntos (revistas de ciencias ou Science Citation Index, e revistas de ciencias sociais ou Social Science Citation Index), o JCR ofrece unha cobertura de máis de 7.600 publicacións editadas por máis de 3.000 editores de todo o mundo en aproximadamente 220 disciplinas científicas.

Publicado por GMG | Comentarios (0) | Visitas (2260)

Archivado en bases de datos , bibliometría