Hoxe, día 13 de novembro, conmemórase en todo o mundo o Día Mundial da Calidade en torno ao cal na Comunidade Europea ten lugar a XIV Semana Europea da Calidade. A Biblioteca da Universidade de Vigo, cuxo sistema de xestión da calidade foi certificado en decembro de 2006 baixo a norma ISO 9001:2000, quere, desde o seu blog corporativo, conmemorar de forma sinxela, pero sincera, esta festa da calidade.
No seu esforzo por tratar de coñecer mellor a opinión e o grao de satisfacción dos seus usuarios, a Biblioteca da Universidade de Vigo pon en marcha o proxecto PREME (unha pregunta cada mes). "PREME" da nome ao conxunto de enquisas dixitais concibido para captar de forma áxil e sinxela o nivel satisfacción dos usuarios coa Biblioteca.
A Biblioteca Universitaria ven de publicar a versión 1 da súa Carta de Servizos aprobada pola Comisión de Biblioteca en febreiro de 2008. A Carta de Servizos é un documento no que a Biblioteca informa publicamente aos seus usuarios, e comunidade universitaria en xeral, dos servizos que ofrece e dos compromisos de calidade na súa prestación.
O Consorcio Bugalicia elaborou tres estudos bibliométricos sobre a produción científica dos investigadores do Sistema Universitario Galego (SUG) segundo as bases de datos do ISI e Scopus de Elsevier.
Blogdabiblio compracese en presentar á comunidade universitaria e aos internautas en xeral o novo blog "Mercando libros" xurdido como iniciativa da Sección de Adquisicións da Biblioteca Universitaria de Vigo.