Como resultado da auditoría externa practicada por DNV (Det Norske Veritas) os días 11 e 12 de novembro deste ano, a Biblioteca Universitaria obtivo a re-certificación do seu sistema de xestión da calidade baixo a norma ISO 9001. A certificación, válida para un período de 3 anos, foi lograda por primeira vez en decembro de 2006. Agora, neste segundo proceso, non só se facía necesario certificar de novo o sistema, senón facelo segundo a nova versión da norma 9001 aprobada pola Organización Internacional para a Estandarización (ISO) en 2008.
Coa chegada do derradeiro mes do ano 2009, a Biblioteca, dentro do seu empeño por pulsar a opinión dos seus usuarios e usuarias, lanza a pregunta anual sobre o grao de satisfacción xeral cos servizos bibliotecarios.
Continuando co seu proxecto de enquisas dixitais "PREME", a Biblioteca propón neste mes de novembro unha nova pregunta. Neste caso, repítese a pregunta formulada en novembro de 2008 con ocasión do lanzamento do proxecto: parécelle conveniente o servizo de préstamo de libros (nº de obras prestadas, prazos de préstamo, trámites)?
Esta mañá foi inaugurada oficialmente a nova biblioteca de ciencias experimentais no campus de Lagoas-Marcosende (Vigo) polo Conselleiro de Educación e Ordenación Universitaria, Jesús Vázquez Abad. Acompañaban ao Conselleiro, o Reitor da Universidade de Vigo, a Delegada Territorial da Xunta en Vigo e outras autoridades e personalidades autonómicas, locais e universitarias.
Co inicio do novo curso, a Biblioteca Universitaria retoma o seu programa "PREME" de enquisas mensuais dixitais para coñecer o grao de satisfacción dos seus usuarios e usuarias. Despois do paréntese dos meses de agosto e setembro, a Biblioteca lanza neste mes de outubro unha nova pregunta sobre a opinión dos usuarios co catálogo da Biblioteca.