Pregunta ”PREME” de xullo: a satisfacción cos sistemas para informar das novidades da Biblioteca
A pregunta da enquisa "PREME" (unha pregunta ao mes) correspondente ao mes de xullo intenta coñecer o grao de satisfacción dos usuarios e usuarias cos sistemas que emprega a Biblioteca Universitaria (lista de correo ´avisos´, páxina web e blogdabiblio) para mantelos informados das novidades, cambios e demais cuestións de interese sobre o servizo bibliotecario.
Scopus aumenta a súa cobertura de revistas de Artes e Humanidades con 1.450 títulos máis
Scopus ven de anunciar a incorporación de 1.450 novos títulos de revistas correspondentes ás áreas de Humanidades. Con iso o número total de revistas de Artes e Humanidades indexadas por Scopus ascende a 3.500 títulos de disciplinas como: historia, literatura e teoría literaria, lingüística, filosofía, arqueoloxía, arte, arquitectura e deseño, educación, psicoloxía, antropoloxía... Para máis detalles pode consultarse o documento "Arts & Humanities in Scopus".
Enquisa PREME do mes de xuño: a satisfacción coas coleccións de materiais impresos
Rematado o mes de maio, corresponde lanzar unha nova pregunta da enquisa dixital PREME (uha pregunta ao mes) deseñada para intentar captar o grao de satisfacción dos usuarios cos servizos que presta a Biblioteca Universitaria. Nesta ocasión a pregunta refírese ás coleccións de materiais impresos (básicamente libros e revistas) que a Biblioteca poñe a disposición dos seus usuarios e usuarias.
A Biblioteca abre en noites e fins de semana con ocasión dos exames de xuño
Co gallo do inicio dos exames ordinarios do segundo cuadrimestre, a Biblioteca Universitaria pon en marcha a súa programación de aperturas especiais en horario nocturno e de fin de semana dende o 9 de maio ata o vindeiro 19 de xuño. As aperturas desenvolveranse nunha biblioteca de cada un dos campus: Biblioteca Central de Ourense, Biblioteca Central de Pontevedra (no edificio da Facultade de Ciencias Sociais e da Comunicación) e Biblioteca de Torrecedeira en Vigo.
Satisfacción co servizo de préstamo interbibliotecario: enquisa ”PREME” do mes de maio
Co inicio do mes de maio, a Biblioteca Universitaria lanza unha nova pregunta no marco da súa enquisa dixital de satisfacción "PREME" (unha pregunta cada mes). Neste caso a pregunta versa sobre a satisfacción dos usuarios e usuarias cos servizos de préstamo interbibliotecario e obtención de documentos.
|
TAGS
|
